Hardanger Fjellsti, Munketrimmen

Hardanger fjellsti er ein fantastisk tur, der du opplever det å gå på "Vidda" i tillegg til Munketreppene. Ei godt bevart perle er nedstigningen langs Frøyneslia, som er noko ein bør oppleve på Lofthus. Dei 7 informasjonsskilta gjer god lærdom om flor og fauna i Hardangervidda nasjonalpark.

Opplev Hardangersk kultur og nydelege natur på denne eventyrlystne turen. Her går ein gjennom skogen, forbi dei berømte Munketreppene, før ein kjem til Hardangervidda der ein har ein spektakulær utsikt over fjorden og Folgefonna, 1,040m over havet. Ved å kryssa elva kan ein gå ned att via ”Frøyneslia”. På denne stien er det sju informasjonstavler som guidar deg gjennom turen. I alt sju temaskilt som har med kultur, natur og jakt på Hardangervidda å gjera, står no fint plassert i ei flott turløypa.

Rundløypa som går frå Lofthus til Lofthus, går opp ved Eidnes og ned Frøynes. Den er open for fastbuande så vel som turistar. Når ein har kome til Rjukan, er ein starten av Hardangervidda, og ser innover. Turen går vidare mot stølen Opesjo, langs elva. Før Opesjovatnet går turen over elva/ brua, her er eit informasjonsskilt. Vidar går turen mot skrikset og eit nytt skilt, før nedstiginga i Frøyneslia. Siste skilt står ved Stuvasete.

Munketrimmen er eit trimtilbod på Lofthus som består av 10 ulike turar. Går du 8 av turane, (6 av 10 under 12 år) får du flotte premiar). Søk på Munketrimmen, arrangør UTIL (Ullensvang turn- og idrottslag).