Børkjenesnuten

Tur til Børkjenesnuten (630 moh). Dette er ein frittliggane topp med vidt utsyn. Frå toppen ser ein store delar av Ølensfjorden og Sunnhordalandsbassenget. Ein ser bl.a. til Stord, Tysnes og Ulvanosa i Kvinnherad. Ein ser også innover til Etne og Etnefjellet.

Ein kan gå turen frå ulike startpunkt. Her er turen starta frå Aksdal. Turen er 8 km tur/retur og har litt over 600 stigemeter. Første delen går på via eit gardstun og over på traktorveg. Etterkvart kjem ein meir over på sti og går gjennom ein fin furuskog oppover lia. Omlag halvvegs til toppen kjem ein over tregrensa flatar terrenget ut og ein kjem opp til Vasstølsvatnet. Herifrå er stien mindre tydeleg og det er litt meir myr eit stykke. Det er nokre små vardar ein kan følge, men ein ser toppen og det er relativt enkelt å finne fram.