Fottur til Holmøyskaret - på grensa mellom Stad og Stryn

Fin tur, både vinter og sommar. Holmøyskaret ligg på grensa mellom kommunane Stad og Stryn, og er ein vanleg tur, både på ski, på truger og til fots. Ei vanleg rute (når vegen er berr) er å gå frå parkeringa nedanfor Randastøylen og følgje stien opp forbi sætra opp på flata. Ein kan følgje sti heile vegen, den kryssar elva oppe på flata, og held fram innover dalen og opp i Holmøyskaret (870 moh). Ein kan gå vidare ned til Holmøyane eller opp på ein av toppane ved sidan av: Holmøyskaregga eller Glittereggja.