Fottur til Fjellstøylen i Årdalen

Dette er ein kort og relativt enkel støylstur i Årdalen i Jølster. Turen passar for turvandrarar i dei aller fleste aldersgrupper. Store delar av turen går på skogsveg opp til støylen som byr på utsikt mot Jølstravatnet og innover dalføret i Årdalen.

Turstart på Erikstad i Årdalen. Du startar med å gå på skogsvegen i nordleg retning. og tek av på ny skogsveg som du følgjer gjennom eit ope og fint beiteterreng. Etterkvart kjem du inn på ein fin og godt synleg sti som i stor grad følgjer kraftlinja i nordleg retning opp til Fjellstøylen. Du får fin utsikt mot Årdalen og Jøstravatnet, og utsikt inn mot Legestøylen og lia som går opp til Stigsvatnet. Terrenget er behagelig å gå i, og har jamn og fin stigning heile vegen.

Tips
Fjellstøylen ligg i solvendt side. Det betyr at stien ofte vert tidleg snøfri om våren.

Det er mogeleg å ta seg over til Helgheimsdalen ved å ta seg vidare oppover i austleg retning over Skaret.

Fakta
Turen er på omlag 2,3 kilometer kvar veg og 360 høgdemeter, Tid: 1,5 time opp og 2,5 time t/r.

Hugs:

• All ferdsel er på eige ansvar

• Du kan ferdast fritt i utmark til fots

• Fri ferdsel skal ikkje vere til skade eller ulempe for andre, eller for plante- og dyreliv

• Det er bandtvang i Sunnfjord kommune i perioden 1. april – 1. november

• Der stiane går over innmark og beiteområde må du vise ekstra omsyn, og late att grindane etter deg

Turen er lagt ut av for Indre Sunnfjord Turlag
ved Anne Cecilie Kapstad, redaktør for UT-turar i Jølster