Under Smørstakken

Stanghelle idrettslag har merka opp ti turløyper i fjellområda rundt Stanghelle for å gje bygdefolket gode turtilbod i nærområdet. På kvart turmål er det ei bok der ein kan registrera seg, og kvar 17. mai vert det trekt ut premiar til deltakarane.

Denne turen går til foten av Smørstakken, i nærheten av utkikkspunktet Berget (250 m.o.h.). Går ein litt forbi postkassen kjem ein til eit stup der fjellveggen går rett ned i Veafjorden noko som gjev ein utsikt som kitlar i magen. Turen startar på Hellestræet, og fyljer i starten samme stien som til Storafjellet gjennom Kalddalen. Etter den fyrste stigninga flatar det fint ut og stien går via ein del myrer til postkassen.

Turmålet kan også fint inngå i ein rundtur, der ein kan gå via Stutto og Fjordspennet.