Fottur til Tollefstøylen (Strandsstøylen / Støylshamrane)

Turen opp til Tollefstøylen går på ein eldre sti som snor eg fint oppover dei bratte bakkane i fjellsida. Stien går i open gamal bjørkeskog, der blåbærlyngen trivast godt. På kartet er støylen merka med namnet Strandsstøylen. Dette er ikkje heilt korrekt. Strandsstøylen er støylen som ligg noko aust, på andre sida av elva, for Tollefstøylen.

Turen startar ved Jølstravatnet der du går på asfalt i austleg retning eit stykke, før du tek av på grusvegen opp til eit eldre gardstun. Her held du fram i sørlig retning oppover litt gjengrodd skogsveg, som etterkvart driear i austleg retning. Før skogsvegen endar tek du ved eit lite bekkefar av på sti i sørlig retning. Stien er lagt fint i terrenget heile vegen opp til støylen. Her er det eit støylshus.

Tips
Det går ein sti heilt bort til Hamarsbakkestøylen (Bakkestøylen og Holestøylane). Denne vart merka som fjelltrimpost for ein del år sidan, og går på aksla i retning Brunene og Remmane. Om du ikkje vil gå heile denne kan det vere fint å gå eit stykke av stien i vestleg retning. Då får du utsikt ned til gardane på Strand.

Fakta
Lengde t/r er omlag 7 km og 350 høgdemeter. Tid: 1,5 time opp og 2,5 time t/r.

Hugs:

• All ferdsel er på eige ansvar

• Du kan ferdast fritt i utmark til fots

• Fri ferdsel skal ikkje vere til skade eller ulempe for andre, eller for plante- og dyreliv

• Det er bandtvang i Sunnfjord kommune i perioden 1. april – 1. november

• Der stiane går over innmark og beiteområde må du vise ekstra omsyn, og late att grindane etter deg

Turen er lagt ut av for Indre Sunnfjord Turlag
ved Anne Cecilie Kapstad, redaktør for UT-turar i Jølster