Fottur Kvanndalen - Kjelstadnakken

Turen til Kjelstadnakken er ein typisk Sunnfjordtur der du går oppover jamnt og trutt fra start til slutt. Belønninga er utruleg god utsikt og eit oversyn som slår det meste.

Frå parkeringsplassen framfor vegbommen i Kvanndalen går ein omlag 700m langs vegen, før du tek til høgre over elva på bru. Følg stien langs elva i austleg retning før stien dreiar sørover og opp lia. Stien er delvis merka og tydeleg i terrenget. Den følgjer fjellet omlag 2,5km jamn stigning opp ryggen før den dreier litt austover før finalen opp til Varden.

Hugs:

• All ferdsel er på eige ansvar

• Du kan ferdast fritt i utmark til fots

• Fri ferdsel skal ikkje vere til skade eller ulempe for andre, eller for plante- og dyreliv

• Det er bandtvang i Sunnfjord kommune i perioden 1. april – 1. november