Fottur til Badnestein

Ta av frå E16 ved Tønjum kyrkje og ta vegen mot Mo. Køyr ca. ein km, ta av til høyre mot Tønjadalen, og stopp ved ferist. Turstien startar der. Godt merka og god sti, men kan være litt glatt over nokon svaberg i nedbørsperiodar. Stien passerer ein husmannsplass før stigninga tek til. Fleire flotte utsiktspunkt før Badnestein, 305 moh. Du får panoramautsikt over Ljøsnebygda. Ein relativt lett tur på vel 1,3 km, og ca. 280 høgdemeter. Stien går vidare opp Tønjaåsen og til Skigrov. Der står ei steinhytte som kunstmåleren Hans Gjesme ofte nytta når han henta inspirasjon til bilda sine.