Fottur Tonheimslia til Strandanipa

Strandanipa med sine 668 moh er ein mykje besøkt fjelltopp der varden ligg på kanten av fjellet med Eikefjorden nede i sør og 360 grader utsikt til fjella omkring.

Parker ved Rv5 avkjørsla opp til Tonheimslia og gå grusvegen opp til garden. Garden ligg ved vegs ende. Stien går vestover i terrenget rett ovanfor husa og under nokre høgspentliner. Følg stien som tek av litt til høgre. Gå vidare oppover og kryss ei lita elv og gå opp ein liten bergvegg. Terrenget er litt myrete. Du kjem så inn på stien som er merka med raude trekanter, gamal ferdselsveg.

Følg merkinga oppover til pilskiltet som viser austover til Strandanipa.

Stien til Strandanipa er merka med måling og varding. Vel oppe kan du nyte utsikta både aust -, sør- og vestover. Ned att kan du gå same vegen eller du kan gå vidare austover til Hovlandsstølane eller via Flatenipa og Nipevatnet og ned til Hovlandsstølane. Det er ikkje merka sti, men lett og fint fjellterreng.

God tur!